“Kan kommersialisering biodiversiteit beskerm?” – Elise Tempelhoff.
Die biodiversiteits-ekonomie beoog om die hele bewaringlandskap van SA radikaal te verander. Kommentaar oor die voorgestelde wetgewing moet gelewer word teen 12 April en dit is noodsaaklik dat almal wat SA lief het en ons land respekteer, daarop kommentaar moet lewer. Afskrifte van die Witskrif sal beskikbaar wees.
Elise Tempelhoff werk die afgelope 14 jaar as spesialis omgewingsjoernalis by Media24, veral bekend vir haar indringende ondersoeke oor die wyse waarop Suid-Afrikaanse maatskappye ons omgewingswetgewing toepas, al dan nie en hoe dit menseregte raak. Sy skryf oor die handel met plante, wild en wildprodukte, asook oor water en die invloed van mynbou op die omgewing. Tans ondersoek sy Operasie Phakisa, veral invloed van die uitgebreide soektog na olie en gas in die Suid-Afrikaanse oseaan op die mariene ekologie. Elise het reeds twee keer die SAB prys vir omgewingsjoernalistiek ontvang en is in 2009 ook met die FAK se HB-Thom prys vir joernalistiek vereer, asook in 2010 'n merieteprys vir omgewingsjoernalistiek ontvang vir onthullings oor die Aurora-sage by die Grootvleimyn en in 2016 die SANParke omgewingsprys, die Koedoe-toekenning, vir haar bydrae tot omgewingsbewaring ontvang.
Iedereen welkom!
Datum: Saterdagoggend 6 April 2024
Tyd: Vanaf 09:00.
Plek: Pronk, Greenlyn Village, Menlo Park, Pretoria
Toegang: R190pp. Ontbyt en koffie/tee/sap ingesluit.
Bespreek vroegtydig by +27(0)828951139 / oopgesprek@filosofiekafee.co.za en betaal asb met dié datum P06/04 en jou naam by hierdie portaal:
