TEMA: René Girard, Michel Houellebecq en die metafisiese toekoms van die Afrikaners: Gedagtes na aanleiding van Houellebecq se roman vernietig(2023)
SPREKER: Johann Rossouw in gesprek met Lydia von Wielligh-Steyn
In hierdie gesprek word Michel Houellebecq se jongste roman, vernietig (Naledi, 2023) ontleed aan die hand van René Girard se teorie van mimetiese begeerte en mededinging ten einde aan te toon hoekom Houellebecq die Dostojewski van ons tyd is. Voorts word ingegaan op Houellebecq se diagnose van die metafisiese armoede van die eietydse Weste, en wat die implikasies hiervan vir die Afrikaners se metafisiese toekoms is.
Johann Rossouw is professor in filosofie aan die Universiteit van die Vrystaat en priester van die Ortodokse sendinggemeenskap van die Heilige Apostel Thomas in Bloemfontein. Hy het etlike boeke uit die Frans vertaal, waarvan Michel Houellebecq se vernietig (Naledi, 2023) die jongste is. Hy is die skrywer van meer as 600 rubrieke en opstelle in die plaaslike en buitelandse media, asook die skrywer van drie romans, waarvan die jongste Sluitstuk (Umuzi, 2023) is. In sy vrye tyd luister hy musiek, kyk hy na wedstryde van die Hane en die Springbokke, asook na films en reekse. Hy sit ook graag op die stoep en kyk na sy vrou, Rika, se vetplanttuin.
Iedereen is welkom!
Donderdag: 12 Oktober 2023 vanaf 6nm- Die Boekklub, Pniel.
R250pp sluit aandete plus ‘n glasie wyn in.
Rsvp: Lamé by 27(0)828951139 of oopgesprek@filosofiekafee.co.za
Betaal asb by hierdie portaal (verw S012/10 en jou naam)
