TEMA: Wat skuld ons aan plekke? Johannesburg, Wellington en die Etiek van Plek.

 SPREKER: Schalk Engelbrecht

 

Een van die sentrale vrae in die studieveld van etiek is “Wat behels die goeie lewe?” of “Wat beteken dit om ‘n goeie lewe te lei?” Antwoorde op hierdie vraag sentreer dikwels rondom intermenslike gedragstandaarde, of hoe ons teenoor ander mense moet optree. In die era van klimaatskrisis (globaal) en die verval van dienste, dorpe en stede (plaaslik), is dit egter nodig om ook ons verhouding tot plekke deel te maak van ons oorweging van deug. In hierdie gesprek oorweeg ek die etiek van plek, of wat (indien enigiets) ons aan plekke verskuldig is, en waarom.

 

Schalk Engelbrecht is die Hoof Etiekbeampte van KPMG in Suid-Afrika, en ‘n navorsingsgenoot aan die Sentrum vir Toegepaste Etiek by Stellenbosch Universiteit.

Hy is gebore in Port Elizabeth, het skoolgegaan by Hoërskool DF Malherbe, en Filosofie studeer aan die Universiteit van Stellenbosch waar hy ‘n PhD in Filosofie behaal het in 2010 (oor die onderwerp van utopiese denke). Daarna het hy Filosofie en Sake-Etiek doseer by Noordwes Universiteit, voor hy verhuis het na Johannesburg in 2010 om by KPMG te begin werk.

 

IEDEREEN IS WELKOM!

 

 

 

Datum: Vrydagaand 2 Oktober 2026

Tyd: vanaf  6nm

Plek: Atkv Bôrdienghuis, 

Bespreek asb by Lamé +27828951139 / oopgesprek@filosofiekafee.co.za.

Toegang: R150pp sluit ‘n welkomsdrankie in. Ekstra: Pizzas, koffie & tee, oop kroeg.

Betaal asb met dié datum W02/10

 en jou naam by hierdie portaal: 

http://pay.yoco.com/filosofiekafee 

TEMA:  Kernkrag In Suid-Afrika? - Ja of Nee .

SPREKER:  Pieter Bredell

Die gesprek stel die vraag : «Dink julle dat kernkrag ‘n betroubare, volhoubare en veilige energiebron in Suid-Afrika kan wees? «. 

Die huidige stand van sake in die internasionale arena sal bespreek word met die klem op die openbare mening rondom kernkrag, en as deel van die gesprek, insluitend die hoofredes vir teenkanting en verset teen kernkrag.

Vervolgens word vlugtig gekyk na die belangrikste rolspelers binne die Suid-Afrikaanse kernbedryf, naamlik, die betrokke regeringsinstansies, die reguleerders, aanlegbedrywers, nywerheidsverkaffers en die plaaslike gemeenskappe. Die klem val uitsluitlik op skakeling met die publiek. Pieter wil graag fokus op sy skakeling met die publiek rakende kernkragkwessies, veral rondom die bestuur van kernafval, een van die mees uitdagende projekte van sy loopbaan!

“Dit het vir my as kerntegnoloog tot diep insigte gebring van die belangrikheid van ‘n onderliggende sosiologiese wêreld, waarvan ek onbewus was.”

Ter afsluiting gesels ons vlugtig oor die regering se planne, sover bekend, met die oprigting van nuwe kernkragstasies in Suid-Afrika.

IEDEREEN IS WELKOM!

http://filosofiekafee.blogspot.com

 

Pieter Bredell is in Pretoria gebore en het op Middelburg gematrikuleer. Hy het ‘n graad in chemiese ingenieurswese van die Universiteit van Pretoria en 'n regsgraad van die Universiteit van Suid-Afrika. Hy het 50 jaar ondervinding in die kernbrandstofbedryf, insluitend uraanontginning, -omsetting en -verryking, die uitbedryfstelling van kernaanlegte, die bestuur van radioaktiewe afval en kernbeveiliging. Meeste van sy werksloopbaan was by die Suid-Afrikaanse Kernenergiekorporasie (Necsa), eers as prosesingenieur, later hoofbestuurder Uraanverryking en -omsetting.

Tussen 2012 en 2015 was hy as deeltydse kernkonsultant aktief betrokke by die Internasionale Atoomenergie-agentskap (IAEA) in Wene met internasionale kernprojekte en tegniese sendings na verskeie IAEA-lidlande

Pieter skilder van kleinsaf en het onlangs met beeldhou projekte  begin werk. Hy stap elke dag en lees deesdae nie meer so baie filosofiese boeke nie.

 

Datum: Saterdagoggend 12 September 2026

Tyd: vanaf 9vm – 12nm

Plek: Proe, Afriforum Teater, Greenlyn Village-sentrum, Menlo Park

Bespreek by  Lamé 0828951139 of oopgesprek@filosofiekafee.co.za

R175 pp sluit ’n kontinentale ontbyt in.

Betaal asb met dié datum P12/09 en jou naam by hierdie portaal: 

http://pay.yoco.com/filosofiekafee