Dame: ‘Winston, jy is walglik dronk!’
Churchill: ‘Ja ek is. En jy is lelik. Maar
more is ek sober en dan is jy is nog steeds lelik.’
Een van die barometers om die stand van 'n gesonde openbare sfeer te bepaal is om te kyk of burgers op 'n skerpsinnige manier met hulle eie taal kan omgaan. Die Engelse tradisie, met sy sterk demokratiese wortels, is bekend vir sy 'wits' - Winston Churchill, G. K. Chesterton, George Bernard Shaw, J.B. Synge, Oscar Wilde - die beste Engelsman is gewoonlik 'n Ier- om maar 'n paar te noem. Dit is egter hoegenaamd nie afwesig in Suid-Afrika nie. Afrikaners kan ook gevat wees. Aan die hand van 'n aantal skerpsinnige voorbeelde gaan ons 'n gesprek voer oor hoe ironie, satire en ondermyning vryheid in die openbare sfeer in stand hou.
Louise is
besig met voorbereidings vir ’n doktersgraad by die Universiteit van Hull, oor
die onderwerp 'transhumanisme' - die politieke implikasies van die
tegnologies-gerekonstrueerde subjek. 'n Artikel, 'Nietzschean heresy' oor hoe
Nietzsche die sg 'nuwe ateiste sou hanteer het, het vroeër vanjaar in die
populêre Britse filosofietydskrif The Philosopher's Magazine verskyn, en 'n
boek oor hierdie onderwerp volg later by Bloomsbury. Verder doen sy navorsing
oor republiekanisme in die VSA en begin versigtig aan 'n roman te werk...
Iedereen Welkom !
Café Riche
Kerkplein nr 2, Pretoria.
R80 pp sluit aandete in wat gereed is vanaf 18:00
rsvp: 012 328 3173 / caferiche@kerkplein.co.za
Parkeer op Kerkplein - karwag gereël
