Al gewonder waarom kunstenaars soms soos gode paradeer? Niemand anders doen dit in ewe maat nie. Die rede is dat die kuns in noue verbintenis met die gode staan. Laasgenoemde was die vroegste vergestaltings van die natuur, wat die mens se lot bepaal het. Ook was hulle die beskermhere van vuur en 'die idees' –wat die mens kon help om sy eie dood te oorleef. Wie anders as die gode was dan die onsterflikes? Hierdie templaat leef vandag nog voort. Waarom bied kunstenaars én skrywers hulself soms aan as 'gode op aarde'?

Charl-Pierre Naude is benewens filosoof ook digter en romanskrywer, resensent en kritikus. 
Van sy gedigte is onder meer in Duits, Nederlands, Frans en Noorweegs vertaal
In die rede geval: Waarom die mens mites maak is Naudé se eerste besinnende werk en het uit sy doktorsgraad in die filosofie (2022), gegroei. Hy gee tans 
aandag aan die skryf van ’n roman. 

                                          IEDEREEN WELKOM!  

Kom klink 'n glasie saam op 25 jaar se bestaan!

Bespreek asb vroegtydig by oopgesprek@filosofiekafee.co.za /0828951139
R190 pp sluit aandete, sjerrie/sap in.
Betaal asb met die datum W01/09 en jou naam by hierdie portaal: 
http://pay.yoco.com/filosofiekafee

 

In sy verontrustende essay Die gesagskrisis postuleer die filosoof Ad Verbrugge dat die postmoderne mens en die markgerigte owerheid albei poreus geword het en dreig om te verbrokkel.
Ons leef in woelige tye. Krisisse tuimel oor mekaar, die vervreemding tussen burgers en owerheid neem toe, die politieke landskap raak al hoe meer versnipperd en die funksionering van die demokratiese regstaat word bevraagteken.  Kritiek op die “elite” groei sterk, die
tradisionele media word toenemend gewantrou en institusies wat voorheen gesaghebbend was, is onder beleg.  Terselfdertyd ontwikkel die besef dat daar geen eenvoudige oplossing is nie, die probleem lê dieper.
Op grond van, onder meer, ‘n grondige besinning oor Aristoteles se etiek van deugde betoog Ad Verbrugge in Die gesagskrisis dat daar ‘n leemte skuil  in die netwerk-maatskappy met sy klem op verbruik. As gevolg van die  gebrek aan ‘n gedeelde besieling  en ‘n lewende opvatting van maatskaplike deug word burgers en owerheid albei poreus  en vatbaar vir grillige kragte wat die bestaande orde uithol.  Die gesagskrisis wat met hierdie uitholling gepaard gaan, vra om ‘n fundamentele besinning oor ons postmoderne kultuur wat begin met die herwaardering van die mens as ‘n sinsoekende gemeenskapswese.

Ad Verbrugge het ’n doktorsgraad oor die denke van Aristoteles en Heidegger geskryf  en is as filosoof verbonde aan die Vrije Universiteit Amsterdam. Hy was besoekende professor in filosofie aan die Universiteit van die Vrystaat. Ad is die outeur van verskeie boeke waaronder die nuutste oor die tema van die gesagskrisis in die Weste. 

IEDEREEN IS WELKOM OM SAAM TE DINK !

KOM KLINK 'N GLASIE SAAM OP 25 JAAR SE STANDHOUDENDE OOP GESPREK! 

R190 pp sluit ontbyt en ‘n koppie koffie/tee/sap in.

Betaal asb met die datum W05/08 en jou naam by hierdie portaal: 

http://pay.yoco.com/filosofiekafee