ONTHOU, VERGEET en NOSTALGIE in die SUID AFRIKAANSE GEMEENSKAP  - JO-ANSIE VAN WYK

Individue en gemeenskappe onthou en gedenk gebeure, omstandighede en verliese van besondere belang. Ons vergeet ook. Vergeetagtigheid en geheueverlies word, byvoorbeeld, beskou as meganismes om, onder meer, trauma te verwerk. Die ontwerp, vestiging en instandhouding van ‘n openbare geheue, polities-geïnduseerde geheueverlies en vergeetagtigheid het verreikende maatskaplike gevolge. Enersyds is dit polities voordelig om die verlede en heugenis te mobiliseer, uit te wis of te saniteer. Voorbeelde van geskiedkundige of hedendaagse teenspoed, bevryding, mislukking en sukses word fyn uitgekies, vergeet of veredel tot ‘n neusriem of ‘n politieke Goue Kalf. In hierdie konteks manifesteer ‘n tipe nostalgie as politieke handelsmiddel en oorlewingsmeganisme. ‘n Herontwerpte, ‘n ontkende of onderdukte geheue versterk of daag die maatskaplike orde uit. Openbare forme van vergeet of geheueverlies of amnesie is nie noodwendig fataal nie. Die woord amnestie, by voorbeeld, is etimologies verbind aan amnesie, maar: wat word onthou, of nie, en waarom word dit onthou of vergeet? Hoe onthou en vergeet ons? Wat is die implikasie daarvan? Hoe hou dit verband met nostalgie? 

Nostalgie is, onder andere, ‘n eselsbrug van onthou en vergeet. Veredelde nostalgie manifesteer in openbare heimwee, mites en sosiale artefakte soos openbare vakansiedae, heldeverering en ‘n amptelike diskoers oor die struggle terwyl private nostalgie dikwels blom rondom braaivleisvure, agter herstelde laers met elektriese heinings, en “onthoukos”. Die etimologie van beide heimwee en nostalgie is die verlange na ‘n tuiste of tuiskoms wat eens was of wat veridealiseer word. Dus, waar is ons tuis, wat laat ons ontheemd en wat beteken dit? 

Prof Jo-Ansie van Wyk is ‘n hoogleraar in Internasionale Politiek in die department Politieke Wetenskappe, Unisa. 

                                     IEDEREEN WELKOM  

R220pp sluit aandete en ‘n glasie wyn in.

rsvp +27 828951139 of oopgesprek@filosofiekafee.co.za

Betaal asb met verw W11/11 by hierdie portaal:

http://pay.yoco.com/filosofiekafee

Of direk per eft:

Absa Spaar rek naam en no: Lamar 9242373000

Van BEELDBESTORMER na BOEGBEELD   -  ALBIE SACHS.

Albie Sachs gaan gesels oor die vreugde - en ook ongemak - wat hy onlangs ervaar het toe hy 'n toekenning van die Clooney-stigting vir Geregtigheid ontvang het. Hy sal uitbrei oor sy lewe en drome in die jare van die anti-apartheidstryd. Hy sal ook praat oor sy betrokkenheid by die opstel van die grondwet en sy tyd as regter verbonde aan die konstitusionele hof. Hy sluit dan af met sy visie van die huidige stand van sake in Suid-Afrika. 

                         IEDEREEN WELKOM !

4 Nov 2022 vanaf 6:30 nm

Bôrdienghuis Teater, Breytenbach Sentrum, Burgerstraat 14, Wellington

R250pp sluit aandete en ‘n glasie wyn in.

rsvp +27 828951139 of oopgesprek@filosofiekafee.co.za

Betaal asb met verw W04/11 by hierdie portaal: 

http://pay.yoco.com/filosofiekafee

Of direk per eft:

Absa Spaar rek naam en no: Lamar 9242373000.