 |
| Foto: Cornél van Heerden/ Foto24. |
“For a film to reach mythical proportions, a myth must exist not as fact but as a metaphor for truth.”
Kom neem deel aan die gesprek...
Vrydag 27 Maart 2015
Vanaf 19:30
Te Café Riche, Kerkplein, Pretoria.
En volg dit aanlyn op Twitter by @filosofie_kafee met die hutsmerk #filmasmitologie.
Piet is alom bekend vir sy rol in die omskepping van die roman Roepman in 'n populêre film, saam met Jan van Tonder en sy seun Sallas de Jager. Sedert 2007 is Piet intensief betrokke by die studie van draaiboek-ontwikkeling en filmkunde. Akademici en filmkundiges het Roepman as `n monumentale deurbraak beskou.
Daarna (in 2013) skep Piet en Sallas die geliefde en bekroonde Verraaiers, en volg Stuur Groete aan Mannatjies Roux en Musiek vir die Agtergrond - die eerste Afrikaanse film wat by die Moembai Filmfees in 'Bollywood' vertoon is.
Piet glo onverbiddelik in en streef na die vervulling van William Farrell se stelling: “ For a film to reach mythical proportions, a myth must exist not as fact but as a metaphor for truth.” Wanneer 'n wet,'n reël, of 'n standpunt die kulterele of etiese ondersteuning of verwerping van 'n gemeenskap verg, is dit die taak van skrywers en filmmakers om met die allegorie van stories universele vrae te opper. Sulke fiksie vorm die bron van moderne mitologie. Goeie films moet gebou word rondom `n grond-idee, maar moet deur middel van `n goeie storie bloot vrae vra en die antwoorde of die gebrek daaraan aan die kykers oorlaat.
Piet de Jager is in 1953 gebore. Hy het aan die Hoërskool Andrew Rabie in Port Elizabeth gematrikuleer en het die grade MA en LLB aan die UV en Unisa behaal. Sedert 1982 praktiseer hy as advokaat by die Pretoria Balie. In 1997 het wyle pres Nelson Mandela hom aangestel as Senior Consultus (SC) en sedert 1999 neem hy gereeld as regter in Pretoria waar.
In 2006 is sy debuut digbundel, Ouhout, gepubliseer en in 2012 het Protea Uitgewers sy Afrikaanse vertaling van Albert Camus se roman La Peste gepubliseer.
Tans werk Piet as uitvoerende vervaardiger aan die internasionale produksie, Free State - `n multikulturele verhaal oor verbode liefde, gelaai met plaaslike en internasionale sterre.
Toegang tot Kerkplein is tans vanuit Pretoriusstraat, via Parlementstraat (tussen die Ou Raadsaal en die Capitol Teater). Ry reguit noord tot op Kerkplein.
Parkering is reg voor Café Riche, die ligkleurige gebou op die hoek van die Wesfasade.
Wagte sal aan diens wees, asook 'n CCTV-kamera reg voor Café Riche.
“Die intellektuele lewe kan nie bestaan buite die stad nie” - Jacques Ellul
Iedereen Welkom !
FilosofieKafee: Lamé Ebersöhn
oopgesprek@filosofiekafee.co.za
Café Riche
Kerkplein 2, Pretoria
rsvp: 012 328 3173 / hostess@caferiche.co.za
*R90pp - sluit aandete in wat reeds vanaf 18:00 bedien word.
